दक्षिण भारतीय स्टारहरु बलिउडमा आउन किन डराउछन्

75

मुम्बई–दक्षिण भारतीय स्टारहरु बलिउडमा आउन डराउनुको रहस्य यस्तो
बाहुबली सिनेमाले बलिउड र दक्षिण भारतीय सिनेमा उद्योगबीच रहदै आएको दुरीलाई धेरै कम ग¥यो । बाहुबली पछि दक्षिण भारतीय सिनेमाको लोकप्रियता हिन्दी सिनेमाको दब्दबा रहेको उत्तर भारतमा बढ्यो ।
बलिउडका स्टारहरू पनि दक्षिण भारतीय सिनेमामा लगातार काम गरिरहेका छन् । पछिल्लो केहि वर्ष यता यो क्रम बाक्लिएको छ । अजय देवगन, आलिया भट्ट, विद्या वालन, अमिताभ बच्चन, विवेक ओवरोय, अक्षय कुमार जस्ता ठूला नाम यस सूचिमा सामेल भइसकेकाछन ।
हालै साहोबाट बाहुबली स्टार प्रभासले बलिउडमा डेब्यू गरे । उनको डेब्यू वक्सअफिसमा सुखद सावित भइरहेको छ । सिनेमाले बलिउडको मानक सय करोडको आकडा रिलिजको सातामा ने पार ग¥यो । हाल दोश्रो हप्तामा चलिरहेको सिनेमाले राम्रै पैसा कमाइ गरिरहेको छ ।
थुप्रै बलिउड सिनेमा निर्माता–निर्देशकले प्रस्ताव गर्दा पनि उनीहरू सिनेमामा काम गर्न हिच्किचाउने गर्छन् यसको जवाफ हालै रिलिज भएको साहोमा देखिन्छ ।
दक्षिण भारतीय सिनेमाका प्रशंसकहरू आफ्ना प्रिय दक्षिण भारतीय स्टारहरू पनि बलिउड आउन भन्ने चाहन्छन ।प्रशंसकमा यस्तो कामना भएपनि दक्षिणका ठूला स्टारहरू बलिउडमा काम गर्ने हिच्किचाउने गर्छन् ।
महेश बाबु, विजय देवकोडां, अल्लु अर्जुन, विक्रम, यश, राम चरण, अजिथ जस्ता स्टारहरूका प्रशंसक दक्षिण भारतमा मात्र सिमित छैनन्, भारतभर छन् ।
उनीहरू अभिनित सिनेमाका हिन्दी डब संस्करणले उत्तर भारतमा राम्रो दर्शक बटुल्ने गरेको छ ।
तर यति हुदाहुदै पनि बलिउडका सिनेमामा उनीहरू किन देखिदैंनन् ? यो प्रश्न धेरैमा छ । थुप्रै बलिउड सिनेमा निर्माता–निर्देशकले प्रस्ताव गर्दा पनि उनीहरू सिनेमामा काम गर्न हिच्किचाउने गर्छन् यसको जवाफ हालै रिलिज भएको साहोमा देखिन्छ ।
क्षेत्रिय कलाकारका लागि सबैभन्दा ठूलो समस्या भाषा रहेको छ । रजनीकान्त, कमल हसन जस्ता स्टारहरू हिन्दी भाषामा पोख्त छन् तर अन्य कलाकारलाई भाषिक कठिनाइ हुने गरेको छ ।
साहोको हिन्दी डब प्रभास स्वयंले गरेका छन् । उनको कमजोरी सिनेमाको हिन्दी संवादमा स्पष्ट महशूस हुन्छ । यसका लागि उनलाई हालै ट्रोलको सिकारसमेत बनाइयो ।
यो उदाहरणले दक्षिण भारतिय सिनेमाका स्टारका लागि भाषा एउटा अवरोध हो भन्ने आधार दिएको छ। किनकी यसले एउटा उद्योगमा स्थापित स्टारलाई अर्को उद्योगमा स्थापित हुन मुश्किल बनाउछ ।
दोश्रो कारण स्टारडम र प्रभाव हो। आफ्नो भाषाको सिनेमामा स्टारडमको मजा लिइरहेका उनीहरूलाई अर्को भाषाको सिनेमामा पनि जम्नु सजिलो हुदैन । सफल भए त राम्रो हो तर असफल हुदा त्यसको घाटा उनीहरूको भाषाको सिनेमा पर्ने सम्भावना उत्तिकै छ । यस्तोमा उनीहरू हिच्किचाउने भए नै । भाषाका अलावा सिनेमा छनौटमा पनि उनीहरूका लागि चुनौति हो ।