रौतहटमा दोस्रो चरणको कोरोना संक्रमितको संख्या २१५ पुग्यो

127


रौतहट २२,बैशाख
रौतहटमा दोस्रो चरणको कोरोना संक्रमितको संख्या २१५ पुगेको छ। बुधबार २७ जनामा कोरोना संक्रमित भए संगै कोरोना संक्रमितको संख्या २१५ पुगेको हो । वैशाखको १ गते देखि बुधबार २२ गतेसम्म रौतहटमा गरिएको परिक्षणमा कोरोना संक्रमणको संख्या २१५ पुगेको छ भने २ जनाको मृत्यु भएको छ । रौतहटको गौरस्थित अस्पतालमा मात्र पिसिआर परिक्षण गरिएका परिक्षणमा २१५ जनामा कोरोना पुष्टि भएको छ । रौतहटका नागरिकहरुको जनकपुर , सर्लाही तथा विरगंजमा समेत परिक्षण गराइएको छ । अन्य जिल्लामा परिक्षण गरिएका रौतहटका नागरिक संक्रमित भएको पाइएको छ । बुधबार गौरमा गरिएको परिक्षणको रिपोर्ट अनुसार गौरमा ४, गरुडा २, फतुवा विजयपुर ३, चन्द्रपुरमा १२ , दुर्गा भगवतीमा १, परोहा २ , कटहरियामा १ , राजदेवी १ , र अन्य जिल्लाका १ गरी २७ जना संक्रमित भएको प्रमुख जिल्ला अधिकारी इन्द्र देव यादवले बताउनु भयो । कोरोना संक्रमितको संख्या बढ्दै गएपछी जिल्ला प्रशाशन कार्यालयले कडाई गर्न थालेको छ ।